Tronditet Juventusi, një tjetër mbrojtës mbyll para kohe sezonin

Pas Gleison Bremer, një tjetër lojtar rrezikon të mbyllë sezonin. Mbrojtësi Juan Cabal është larguar nga grumbullimi me Kolumbinë, pas problemeve të shfaqura në gjurin e majtë.

Sipas mediave italiane, Juventusi është njoftuar për një këputje në ligamentet e gjurit të majtë për mbrojtësin. Te klubi italian do kryejnë analiza të reja për Cabal dhe nëse konfirmohet këputja e ligamenteve, sezoni për lojtarin do të ishte mbyllur.

23-vjeçari do të shtonte dhimbjet e kokës për trajnerin Thiago Motta, i cili është përballur me dëmtime të shumta këtë sezon te Juventusi. Klubi bardhezi, po përgatitet për lëvizje të tjera në merkaton e janarit.

Dëmtimet në ligamente janë bërë të shpeshta këtë periudhë, ku disa lojtarë kanë mbyllur sezonin para kohë. Ndërsa të mund të përmenden emra si Rodri, Bremer, Militao, Carvajal, Ter Stegen dhe Icardi.