UEFA Women’s Champions League/ Emanuela Rusta gjykon duelin Paris SG–Frankfurt
Sporti E Martë, 1 Shtator 2026 10:06
TALLINN, ESTONIA - MAY 14: Referee Emanuela Rusta during the UEFA Women's European Under-17 Championship Finals 2023 Group A match between Estonia and Switzerland at Lilleküla Stadium on May 14, 2023 in Tallinn, Estonia. (Photo by Sam Barnes - Sportsfile/UEFA via Getty Images)
Arbitreja shqiptare Emanuela Rusta do të jetë në krye të një tjetër sfide të rëndësishme europiane. Ajo është caktuar të drejtojë ndeshjen e kthimit të raundit të tretë kualifikues të UEFA Women’s Champions League mes Paris Saint-Germain dhe Frankfurt.
Takimi do të zhvillohet më 2 shtator, në orën 18:30, në stadiumin “PSG Campus” në Poissy.
Rusta do të ketë në krah edhe dy shqiptare të tjera në ekipin e arbitrimit. Jena Mala do të jetë njëra prej asistenteve, ndërsa Eglantina Pjetrushaj do të mbajë rolin e arbitres së katërt. Asistente tjetër do të jetë anglezja Nicoleta Bria.
Caktimi i Rustas në këtë përballje të nivelit të lartë europian është një tjetër vlerësim për arbitrimin shqiptar në arenën ndërkombëtare.
KOHA JONË SONDAZH
