“Unë i shëmtuar?”, epik reagimi i Lukakut. Tallet keq me Brozovic

Batutat në kampin zikaltër nuk mungojnë dhe gjithçka ka ndodhur në rrjetet sociale. Romelu Lukaku ka qenë një lidhje të drejtpërdrejtë duke iu përgjigjur fansave dhe aty ka ndërhyrë Marcelo Brozovic. “Je i shëmtuar”, i ka shkruar mesfushori kroat sulmuesit dhe ky i fundit nuk është përmbajtur.

Gjithmonë në kuadër të shakasë, pasi të dy kanë një raport shumë të mirë me njëri-tjetrin. Lukaku është kapur me modelin e ri të flokëve të Brozovic, i cili vendosi të bëhet biond kohët e fundit.

“Marcelo, ti je më i shëmtuar se unë, dukesh  si një aktor filmash për të rritur me atë model flokësh. S’më pëlqen aspak, kështu që ktheju modelit të vjetër”, ishte përgjigja e bomberit, i cili e ka përkufizuar si një ndër më të mirët shokun e tij në fund të bisedës. Në fund një koment për Lautaro Martinez dhe të ardhmen.

“Lautaro Martinez është fantastik, si lojtar dhe si djalë. Po rritet shumë dhe jam i lumtur që luaj përkrah tij, e adhuroj. Largimi nga Interi? A jeni të çmendur? Nuk ka shanse të ndodhë“, përfundon Lukaku.

/abcnews.al