United triumfon nga ruleta e penalltive në FA Cup ndaj Arsenalit

Manchester United eliminoi Arsenalin nga FA Cup dhe vazhdon në raundin tjetër. Pjesa e parë mbyllet 0-0, ndërkohë që në të dytën “Djajtë e Kuq” kaluan të parët në avantazh me portugezin Bruno Fernandez pas një asisti shumë të bukur të Garanacho.

Në minutën e 61′, ekipi i Amorim mbetet me një lojtar më pak pasi Diogo Dalot merr kartonin e dytë të verdhë dhe lë fushën e lojës. Dy minuta më pas, djemtë e Artetës barazojnë shifrat 1-1 me golin e bukur të Gabriel.

Në minutën e 72-të, Odegaard gabon nga pika e bardhë e penalltisë dhe humb mundësinë e artë për të kaluar “topçinjtë” në avantazh Koha e rregullt mbyllet me shifrat 1-1, duke shkuar në shtesën prej 30 minutash.

Në ruletin e penalltive, United u tregua më i saktë. Havertz gaboi për Arsenal, asnjë gabim nga 5 lojtarët e zgjedhur nga Amorim që u treguan të gjithë të saktë para pikës së bardhë.