“Veprimi i tij nuk më habit”, legjenda angleze kritikon ashpër Xhakën

Legjenda e futbollit anglez, Gary Neville, ka kritikuar mesfushorin me origjinë shqiptare, Granit Xhaka. Kapiteni i Arsenalit është në qendër të vëmendjes pas përplasjes së tij me tifozët e “Topçinjve”. Neville tha se Xhaka nuk është lider, si dhe bën shumë ndërhyrje të gabuara gjatë një ndeshje. Mes të tjerash, analisti i “Sky Sport” tha:

“Ai bën 400 ndërhyrje të gabuara në një ndeshje. Çdo takim që e kam ndjekur, ai ndëshkohet me karton të verdhë. Xhaka nuk është lider, skuadra nuk e ndjek. Nuk e vej në dyshim që ai jep maksimumin, por më duhet të them:

Ai është lojtari më pa eksperiencë që kam parë. Edhe është e habitshme, pasi është një nga senatorët tek Arsenali. Ajo që ndodhi të dielën, nuk më habit aspak. Besoj se durimi i tij ka mbaruar dhe tashmë, gjithçka është krisur”, përfundoi Neville.