VIDEO/ Ja si duket situata në stadiumin ”Duboçica” pak orë para sfidës Serbi-Shqipëri

Situata në stadiumin e Leskovacit ku do të luhet ndeshja mes Serbisë dhe Shqipërisë deri më tani është e qetë dhe ende bosh. Tifozët vendas ende nuk kanë nisur të futen në impiant. Siguria do jetë e madhe, me 5000 policë të angazhuar, për afro 6500 tifozë që do të jenë në stadium. Po ashtu në stadium do të ketë afro 100 shqiptarë, staf i Federatës Shqiptare të Futbollit, drejtues klubesh nga Shqipëria dhe gazetarë që ndodhen me detyra pune. Në bazë të një marrëveshje mes federatave respektive, në duelet mes Shqipërisë dhe Serbisë ose anasjelltas, nuk do ketë tifozë kundërshtarë.