VIDEO/ Talenti 13-vjeçar mrekullon Zidane, francezi e poston në “Instagram”
Sporti E Hënë, 2 Dhjetor 2019 18:06
Familja Zidane ka një tjetër yll futbolli. Pas Zinedine Zidane, që fitoi gjithçka si lojtar dhe trajner tashmë, bota e futbollit është njohur me një tjetër produkt të kësaj familjeje.
Bëhet fjalë për Elyaz Zidane, djalin më të vogël të trajnerit të Realit të Madridit. Ky i fundit është vetëm 13-vjeç, por po bind gjithnjë e më shumë kritikët me talentin e tij. Elyaz shënoi një gol mjaft të bukur në ndeshjen e fundjavës kundër Alcornon.
Goditja potente me të majtën nga jashtë kufinjve të zonës përfundoi në rrjetë, teksa tërhoqi vëmendjen edhe të Zizu.
Ky i fundit po e ndiqte sfidën përmes televizorit, ndërsa nuk mungoi një video nga momenti i golit, të cilin e postoi më pas në rrjetin social “Instagram”.
