VIDEO/ Vazhdon sfida e letrës higjenike, shijoni klasin e brazilianit Kaka

Sporti E Mërkurë, 25 Mars 2020 15:34

Izolimi nga Coronavirusi vazhdon në mbarë botën dhe gjëja më e mirë që mund të bëjmë në këto ditë është të qëndrojmë në shtëpi. Bota e sportit është komplet e pezulluar dhe shumë figura të njohura janë përfshirë në sfida të ndryshme mes tyre, të cilat më pas janë bërë dhe virale.

Në sfidën e letrës higjenike është përfshirë dhe legjenda e Milanit, Ricardo Kaka. Braziliani është nominuar nga një mik i tij, pastor, dhe ai e ka pranuar me kënaqësi ftesën. Fituesit të Topit të Artë përveç xhonglimit të lëtrës higjenike, i është kërkuar të bëjë dhe disa pompa me letrën në kurriz.

Këtë gjë Ricky nuk e ka bërë dot, por në xhonglim klasi është si dikur. Ai e ka postuar videon në “Instagram”, ku ka nominuar dhe dy miq të tij.

“Kur një pastor ju sfidon ty, më mirë të pranoni Craig Groeschel, e pranoj sfidën, por jo të bëj pompa. Tani sfidoj dy pastorë të tjerë, Jose Bruno Rinaldo Luiz de Seixas Pereira”, shkruan Kaka.