Vllaznia bie në Shkodër, kuqeblutë munden nga Teuta

Sporti E Premte, 28 Nëntor 2025 20:24

Vllaznia është mposhtur në ndeshjen e javës së 13-të të Superiores përballë Teutës me rezultatin 0-1. Goli i vetëm në “Loro Boriçi” u shënua në minutën e 84’ nga Beshiraj, i cili i dha tre pikë të rëndësishme durrsakëve dhe fitoren e parë në Shkodër pas 8 vitesh. Ekipi i Dobit e mbylli sfidën me 10 lojtarë pas daljes së kuq të Fadairos në minutën e 90’, pasi u vonua të linte lojën në zëvendësim.

Me këtë fitore, Teuta ngjitet momentalisht në vendin e katërt me 21 pikë, ndërsa Vllaznia është e dyta me 24 pikë, një më pak se Elbasani kryesues.