Vllaznia merr fitoren e pestë radhazi, kurse Egnatia me 2 pikë para

Vllaznia ka arritur të marrë fitoren e pestë radhazi në Kategorinë Superiore duke mposhtur këtë të hënë Skënderbeun në Korçë.

Ndeshja u vendos nga një gol i realizuar me penallti nga kapiteni Bekim Balaj në minutën e 71-të. Me këtë fitore, tashmë shkodranët kanë shkuar në kuotën e 49 pikëve, vetëm dy më pak se Egnatia kryesuese e Kategorisë Superiore.

Ndeshja tjetër e kësaj të hënë, ajo mes Dinamos dhe Teutës, është shtyrë për shkak të terrenit të rënduar si pasojë e reshjeve të dendura të shit të rëna në qytetin bregdetar të Durrësit.