Vllaznia nuk ia del në Islandë, eliminohet në shtesë nga Vikingur

Vllaznia ishte shumë pranë një kualifikimi historik në raundin e tretë të Ligës së Konferencës, por ëndrra europiane u shua në mënyrë dramatike në minutat shtesë të sfidës kundër islandezëve të Vikingur.

Takimi i dytë i zhvilluar në Islandë përfundoi me rezultatin 4-2 në favor të vendasve, çka i dha Vikingurit kualifikimin me rezultatin e përgjithshëm 5-4. Skuadra e Edi Martinit luftoi deri në fund, por nuk mundi të përballonte reagimin e shpejtë të islandezëve në momentet vendimtare.

Ndeshja nisi me golin e shpejtë të Hafsteinsson në minutën e 10-të, por Balaj barazoi nga pika e bardhë në të 26-ën. Hansen riktheu avantazhin për Vikingur në të 55-ën, por edhe një herë Balaj tregoi qetësi, duke barazuar sërish me penallti në minutën e 85-të.

Vetëm një minutë pas golit të dytë të Vllaznisë, islandezët shënuan menjëherë për 3-2 dhe çuan ndeshjen në shtesë. Atje, Thorkelsson realizoi golin vendimtar në minutën e 92-të, ndërsa shkodranët e mbyllën ndeshjen me dhjetë lojtarë pas përjashtimit të Tafilit në minutën e 112-të.