Willian prezantohet te Arsenali: Dua ta ndihmojë këtë klub që të fitojë sërish trofe!

Willian është futbollisti më i ri i skuadrës së Arsenalit. Mesfushori brazilian vjen si transferim i lirë nga Chelsea, teksa ka nënshkruar një kontratë 3-vjeçare me ekipin rival londinez. Topçinjtë fituan konkurrencën me Barcelonën dhe Inter Miami që ishin të interesuara.

Ai u aktivizua në 47 ndeshje në sezonin e fundit, duke arritur që të shënojë dhe 4 gola në Premier League.

“Zgjodha Arsenalin sepse është një nga klubet më të mëdha në botë. Ata kanë një projekt të ri me Mikel Arteta-n. Mendoj se ky klub meriton që të shkëlqejë sërish, dua të jep pjesë e këtij projekti, në një familje të mrekullueshme si Arsenali.

Jam këtu për të fituar trofe, sepse një klub i tillë e meriton për të qenë një nga më të mirët në botë. Gjithmonë stërvitem shumë dhe jap 100 për qind për të ndihmuar shokët që të fitojnë ndeshjet dhe trofe”, deklaroi braziliani.

Willian do të mbajë fanellën me numër 12,  teksa tek Chelsea fitoi dy Premier League, një FA Cup dhe një Europa League. /R.Lika-Koha Jone/