Yamal shkruan emrin në historinë e futbollit, parakalon edhe legjendën Pele

Lamine Yamal shkruan emrin në historinë e futbollit. Adoleshenti i talentuar spanjoll realizoi një supergol në gjysmëfinalen e fituar me përmbysje 2-1 përballë Francës. Duke u bërë jo vetëm golashënuesi më i ri që shënon në Europian.

Por edhe më i riu (16 vjeç e 362 ditë) që luan në një gjysmëfinale Europiani apo Botërori, duke “parakaluar” një legjendë si braziliani Pele. I cili ishte vetëm 17 vjeç e 244 ditë kur zbriti në fushë në gjysmëfinalen e Kupës së Botës Suedi 1958.

Lamine Yamal ndodhet në ëndërr dhe tashmë ka dhe duelin e fundit, finalen e së dielës në Berlin, ku duhet të japë më të mirën për të vijuar me rekorde të reja.