Zanetti i mbyllë “derën” Barcelonës për Martinez, Icardin e lë “pezull”

E ardhmja e Lautaro Martinez do të jetë zikaltër, ndërkohë që për atë të Mauro Icardit nuk ka asnjë siguri. Zëvendës-presidenti i Interit, Javier Zanetti ka qartësuar gjithçka në një intervistë që ka dhënë për ESPN.

“A do të kthehet Icardi? Unë nuk e di, nuk mendoj kështu. Por, tani nuk po flasim për merkaton. Gjëja më e rëndësishme është shëndeti i njerëzve. Pastaj, do të kemi kohë të mendojmë.

Martinez? Tek Interi e shoh të lumtur atë, po identifikohet me klubin. Ne besuam tek ai. Personalisht e shoh të ardhmen e tij vetëm tek Interi”.

Suksesi në vitin 2010 me Mourinhon? Triumfi në ‘Bernabeu’ ishte realizimi i një ëndrre. Fitimi i asaj finaleje të Championsit ishte kurorëzimi i një sezoni të shkëlqyeshëm. Tri minuta nga fundi, Julio Cesar merr topin në dorë, shikon Samuelin dhe i thotë: ‘Walter, ne jemi kampionë’.

Një moment i mrekullueshëm, më i bukur se vetë jeta ime. José Mourinho? Një person i veçantë, një trajner dhe njeri i shkëlqyeshëm. Një motivues të madh, që përcjell pasion pa limit te lojtarët. Ai të bën të japësh më të mirën nga vetja jote”, deklaroi Zanetti.