Zbulohen përballjet e çerekfinaleve në Kupën e Mbretit, Barcelona me fat

Kupa e Mbretit ka zbuluar çiftet e fazës së 1/8-ave, që do t’i zhvillojë ndeshjet javën e ardhshme, më saktësisht në datat 26, 27 dhe 28 janar. Spikatin duelet Rayo-Barcelona dhe Sevilla-Valencia. Si në raundet e mëparshme, do të luhet një takim i vetëm, çka do të thotë se mund të kemi surpriza të tjera, sikurse kanë ndodhur deri tani me eliminimin e Real Madridit apo Atleticos.

Barcelona do të masë forcat me Rayo Vallecanon. Do të jetë ndeshja e tetë radhazi që futbollistët e Koemanit do të luajnë larg “Camp Nout” (Huesca, Athletic, Granada, Real Sociedad, Athletic, Cornellà dhe Elche këtë fundjavë).

Bilbao do të përpiqet të mposhtë Alcoyanon në El Collao. Valencia, e cila dy vjet më vonë është ende kampioni në fuqi i Kupës, do të duhet të vizitojë “Sánchez Pizjuán” për një duel elite me Sevillan.