Zidane, Klopp dhe Xavi, epokë e re në Europë/ Nations League kthehet në një duel mes trajnerëve

UEFA Nations League 2026-2027 sjell një panoramë të re në futbollin europian, ku vëmendja nuk do të jetë vetëm te yjet që zbresin në fushë, por edhe te emrat e mëdhenj që janë ulur në stol. Zinedine Zidane, Jurgen Klopp dhe Xavi Hernández nisin aventura të reja me Francën, Gjermaninë dhe Holandën.

Zidane ka marrë drejtimin e Francës pas largimit të Didier Deschamps dhe ka bërë të ditur listën e tij të parë, ku përfshihen edhe pesë lojtarë të rinj. Ish-trajneri i Real Madridit do të zhvillojë ndeshjen e tij të parë zyrtare më 25 shtator ndaj Turqisë, ndërsa në vazhdim Francën e presin përballje me Belgjikën dhe Italinë. Kylian Mbappé do të vazhdojë të mbajë shiritin e kapitenit.

Në Gjermani, Jürgen Klopp nis eksperiencën e tij të parë në drejtimin e një kombëtareje. Ai ka firmosur një kontratë katërvjeçare me Federatën Gjermane dhe do të drejtojë ekipin deri në Europianin 2028 dhe Botërorin 2030. Debutimi i tij vjen më 24 shtator ndaj Holandës në Amsterdam.

Ndërkohë, Xavi Hernández ka marrë drejtimin e Holandës deri në vitin 2030. Spanjolli synon të ndërtojë një skuadër të bazuar te zotërimi i topit dhe iniciativa, ndërsa vendimi i parë i rëndësishëm ishte lënia jashtë e Memphis Depay. Virgil van Dijk mbetet kapiten.