Andrea Pirlo nuk është më zyrtarisht trajner i Juventusit. Klubi bardhezi sapo ka njoftuar shkarkimin e strategut nga drejtimi i ekipit pas vetëm një sezoni. Skuadra bardhezi ka falënderuar trajnerin për këtë aventurë që zgjati pak, por që solli sërish dy trofe.
“Faleminderit për gjithçka Andrea Pirlo!
Këto janë fjalët e para që të gjithë ne duhet të themi në fund të kësaj përvoje të veçantë së bashku. Disa muaj më parë, Andrea Pirlo, një ikonë e futbollit botëror, filloi aventurën e tij të re, e para si trajner.
Për ta bërë këtë, para së gjithash, duhet guxim, veçanërisht në një periudhë të shoqëruar me vështirësi, me botën e detyruar nga pandemia të rishikojë rregullat e veta ditë pas dite.
Pirlo sapo ka filluar hapat e parë të asaj që pa dyshim do të bëhet një karrierë e shkëlqyer si trajner. Një aventurë e transformimit, duke kërkuar dhe shpesh menaxhuar, për të sjellë idetë e tij dhe përvojën e tij si kampion në fushë.
Dhe meqenëse në futboll, ato që vlejnë janë fitoret, le t’i kujtojmë ato: brenda pak muajsh Juve me Pirlon ka ngritur dy trofe: Superkupën e Italisë dhe Kupën e Italisë. Si trajneri, ai solli fitore të shkëlqyera në fushat më prestigjioze, nga “San Siro” në “Camp Nou”.
Për të gjitha këto, për guximin, përkushtimin, pasionin me të cilin ai demonstroi çdo ditë, falënderimet tona shkojnë për Maestron”, shkruhet në njoftimin e klubit torinez. /Koha Jone/