ZYRTARE/ Musta rinovon kontratën me Kukësin

Emiljano Musta do të vazhdojë aventurën e tij te Kukësi. Pasi i përfundoi kontrata me ekipin tonë, futbollisti dhe drejtuesit kanë diskutuar për të ardhmen dhe kanë gjetur gjuhën e përbashkët për rinovimin e saj.

Ish-lojtari i Flamurtarit i cili konsiderohet si një lojtar shumë i rëndësishëm në projektin e Skënder Gegës te Kukësi ka zgjatur marrëveshjen me blutë deri në verën e vitit 2022.

28-vjeçari kërkohej nga Partizani por edhe nga disa klube nga Azerbajxhani, por në fund vendosi të qëndrojë te Kukësi.