ZYRTARE/ Son Heung-min braktis Europën, transferohet te Los Angeles FC

Ylli i futbollit koreano-jugor, Son Heung-min, ka kompletuar transferimin në Major League Soccer, duke firmosur me klubin amerikan Los Angeles FC. Sulmuesi 33-vjeçar i është bashkuar ekipit si lojtar i dizajnuar, pas një marrëveshjeje me vlerë mbi 20 milionë dollarë, që mund të kthehet në transferimin më të shtrenjtë në historinë e MLS.

Son njoftoi zyrtarisht largimin nga Tottenham Hotspur javën e kaluar, duke i dhënë fund një epoke të gjatë dhe të suksesshme në Londër, ku ishte edhe kapiten i skuadrës.

Gjatë 10 viteve të tij me Spurs, sulmuesi koreano-jugor realizoi 173 gola në 454 ndeshje zyrtare, duke fituar famë botërore falë shpejtësisë, vizionit të lojës dhe efikasitetit në përfundimin e aksioneve.

Transferimi i tij në LAFC pritet të sjellë një ndikim të madh jo vetëm në klub, por edhe në rritjen e imazhit të MLS në arenën ndërkombëtare.