Derbi i fundjavës mes Partizanit dhe Tiranës është vendosur që të luhet përfundimisht në stadiumin “Air Albania Stadium”. Impianti i ri i inauguruar ndaj Francës do të mirëpresë për herë të parë një ndeshje të kampionatit tonë.
Konfirmimi është dhënë nga klubi i Partizanit me një njoftim në rrjetet sociale, duke i dhënë fund zërave, pasi ende nuk ishte dhënë një konfirmim nga FSHF për stadiumin.
Dueli do të zhvillohet të premten e 13 dhjetorit në orën 19:00, teksa pritet që të ketë nj prani të madhe të tifozerisë. /R.Lika-Koha Jone/
