A dëmtohet bateria nëse e karikon celularin gjithë natën?

Ndoshta keni dëgjuar se lënia e iPhone-it në karikim gjatë tërë natës duke u mbushur është e dëmshme për baterinë e tij. Por kjo duket të mos jetë e vërtetë.

Sipas një webi të Cadex, më parë thuhej se të lësh celularin në rrymë edhe kur është i mbushur 100%, e mban baterinë në stres dhe në një gjendje të tensionit të lartë, duke e dëmtuar atë.

Por autori i teknologjisë Jesse Hollington thotë se të lësh iPhone-in për t’u mbushur gjatë tërë natës nuk e dëmton aspak baterinë e tij.

“Të mbushësh celularin me energji edhe nga 90% nuk do ta dëmtojë baterinë e tij. Nuk mund ta mbi-mbushësh një pajisje elektronike, jo vetëm iPhone. Çdo pajisje që ka bateri prej litiumi e ndalon vetë mbushjen kur bateria mbushet 100%”, tha ai.

Në thelb, bateria e një celulari të mençur është po aq e mençur se edhe vetë celulari.

Dhe Apple, Samsung dhe kompanitë e tjera të njohura të teknologjisë, përdorin pikërisht bateri të tilla.