Apple prezanton MacBook Air e ri dhe Mac mini

Apple zbuloi një MacBook Air të ri në eventin e tij në Bruklin të martën. Modeli më i fundit kompjuterik do të vijë me një ekran të retinës 13.3-inç, skaj më skaj, tha Apple gjatë njoftimit. Ajo vjen me Touch ID, duke i lejuar përdoruesit të zhbllokojnë pajisjen me skanimin e një gjurme gishtash. Sensori në tastierë lejon Apple Pay me prekje.

Apple gjithashtu ka ripërtërirë tastierën dhe hapësirën e mouse-it. Kompjuteri gjithashtu ka mikrofona të përmirësuar dhe audio më të mirë. MacBook Air i ri ofron deri në 16 GB hapësirë ruajtëse, dyfishin e kapacitetit të kujtesës së paraardhësit të tij, tha Apple.

Apple e ka bërë kompjuterin më të lehtë dhe ka zvogëluar volumin e përgjithshëm prej 17%, tha kompania. Çdo MacBook Air i ri është bërë tërësisht nga alumini i ricikluar.

MacBook Air i ri fillon nga 1,199 $ dhe do të jetë në dispozicion për t’u blerë në 7 nëntor. Apple gjithashtu prezantoi një Mac të ri. Është përditësimi i parë në katër vjet për modelin Mac. Mac i vogël vjen me një hapësirë prej 64GB dhe punon pesë herë më shpejt se paraardhësi i tij, tha Apple. Ai kushton 799 dollarë.