Covid-19, Google çon 200.000 punonjës në shtëpi

Pandemia Covid-19 vijon të jetë kërcënuese për njerëzimin. Për këtë, Google do t’i mbajë në shtëpi punonjësit e tij të paktën deri në korrikun e ardhshëm.

Shefi Ekzekutiv Sundar Pichai, mori vendimin vetë javën e kaluar pas debatit midis një grupi të brendshëm drejtuesish të lartë që ai kryeson.

“Ne po e zgjasim punën tonë vullnetare globale nga opsioni i shtëpisë deri më 30 qershor 202, për role që nuk kanë nevojë të jenë në zyrë,” shkroi Pichai në një e-mail.

Google pati thënë më herët se do të fillonte rihapjen e shumë zyrave në nivel global që në qershor të këtij viti, por shumica e punonjësve ka të ngjarë të punojnë nga shtëpia deri në fund të këtij viti.

Në fillim të këtij viti, disa gjigantë të teknologjisë njoftuan se ata do të lejojnë pjesën më të madhe ose të gjithë punonjësve të tyre të vazhdojnë të punojnë nga shtëpia të paktën deri në fund të vitit 2020.