Facebook planifikon “monedhë virtuale” si pjesë e rrjetit social

Facebook ka zhvilluar bisedime me binjakët Winklevoss rreth monedhës digjitale të planifikuar prej tij. Gjigandi i rrjetit social ka punuar për më shumë se një vit në një monedhë që përdoruesit e Facebook  mund të ruajnë, shkëmbejnë dhe blejnë me siguri.

Mark Zuckerberg mund të jetë gati të falë binjakët Winklevoss, të cilët e kanë paditur atë për vjedhjen e idesë së tyre për një rrjet social. Cameron dhe Tyler Winklevoss, shokë të klasës së themeluesit të Facebook në Universitetin e Harvardit, u bënë miliarderë pasi investuan në bitcoin. Ata gjithashtu themeluan “Gemini”, një monedhë digjitale të lidhur me dollarin amerikan.

Zuckerberg është duke kërkuar partnerët dhe infrastrukturën digjitale të nevojshme për përdoruesit e saj për të ruajtur në mënyrë të sigurte monedhat e tyre digjitale, për t’i shkëmbyer ato me kriptomonedha të tjera ose me monedha konvencionale dhe për të bërë pagesa.

Gjithashtu po kërkohen mënyra për t’i shpërblyer përdoruesit me fraksione të monedhave për shikimin e reklamave, angazhim në përmbajtje dhe blerje.