FOTO/ “MOOve”, është pista për biçikleta eco dhe shumë smart
Kjo pistë e re për biçikletat i bën ‘publicitet’ aktivitetit fizik dhe është rezultat i riciklimit e madje shumë e zgjuar.
Bëhet fjalë për pistën e biçikletave të parafabrikuar, ‘mOOve’ me dy shkronja të mëdha që përfaqësojnë rrotat e biçikletës.
Ajo u ideua dhe u ndërtua së pari nga kompania milaneze ‘Revo’ dhe fitoi çmimin për konkursin fillestar të Urdhrit të Inxhinierëve të Provincës së Milanos.
‘MOOve’ ka një strukturë të bërë nga plastika dhe goma e ricikluar dhe përshtatet me çdo lloj të terrenit ekzistues pa nevojën për zëvendësimin e sipërfaqes së rrugës.
Marco Lucci shton se pista është e adaptueshme për çdo lloj klime:
“Ka korsi biçikletash me mbështjellje për ngrohje antifriz, për vendet me klimë veçanërisht të ftohtë, pajiset edhe me tela që mundësojnë shkrirjen e borës ose akullit pasi në të krijohet efekti i një mini paneli diellor.
Është i përshtatshëm për qarkullimin natën në sajë të ndriçimit të integruar.
Për më tepër, ajo është e pajisur me sensorë që monitorojnë cilësinë e ajrit.
Sensorët e saj të tranzitit lejojnë krijimin e një harte trafiku përgjatë vijës, si për të llogaritur rrugët dhe kohën e udhëtimit, ashtu edhe për të planifikuar ndërhyrjet parandaluese të mirëmbajtjes.
Frymëzimi për këtë pista të bërë në Itali erdhi nga Evropa Veriore.
Në Holandë vitin e kaluar, rruga e parë e ricikluar në botë u ndërtua me 500,000 shishe plastike.
Marco Lucci specifikon:
“Pista është e pajisur me një seri njësish të vogla elektronike të shpërndara përgjatë vijës së tërësishme dhe në një rrjet midis tyre.
Këto janë përgjegjëse për monitorimin e të gjithë sensorëve të instaluar, analizimin dhe shpërndarjen e të dhënave të mbledhura, kontrollin e nivelit të ndriçimit të trajektores bazuar në trafikun dhe menaxhimin e alarmeve dhe komunikimeve.
Një njësi qendrore do të lejojë, në një fazë të mëvonshme, integrimin e sistemit me një aplikacion të përdoruesve të kësaj piste me aplikimet më të zakonshme të navigimit dhe sportit ».
