Industria gjermane, në tokë – Prodhimi nuk ndal rënien. Ndikon sektori i makinave

Rënia e prodhimit të makinave solli një tkurrje të papritur të prodhimit industrial gjatë Janarit në Gjermani.

Ngadalësimi botëror, konfliktet tregtare të nxitura nga politikat e Donald Trump dhe dalja e çrregullt e Britanisë nga Bashkimi Europian, kërcënojnë të ndalojnë rritjen e ekonomisë Gjermane, që varet nga eksportet. Ekonomia mezi i shpëtoi recesionit në fund të 2018-ës.

E përditshmja Handelsblatt theksoi në nisje të javës se Qeveria Federale ka ulur projeksionet për rritjen ekonomike në 0.8% këtë vit. Prodhimi industrial ra me 0.8% në Janar, poshtë projeksioneve për një rritje me 0.5%. Sektori automobilistik pati rënie në prodhim me 9.2% në Janar nga Dhjetori, sipas të dhënave të ministrisë së Ekonomisë.

Faktorë specialë u fajësuan, si grevat e furnitorëve dhe ndërrimi i modeleve. Megjithatë, prodhuesit gjerman të makinave janë përballur gjithashtu me një rënie të shitjeve në Kinë, rënie të kërkesës së makinave me naftë dhe investime të mëdha në elektrifikimin.

Të dhënat e dobëta tregojnë se ekonomia gjermane pritet të tregojë një rritje fare të ulët në tremujorin e parë, pasi shmangu recesionin në fundvit.