Japonia ndërton supertrenin që transporton pasagjerët edhe gjatë tërmeteve (FOTO)

Japonia ka prodhuar së fundmi një tren super modern, i cili konsiderohet si më i shpejti në botë. Veç kësaj, thuhet se treni mund të transportojë pasagjerët me siguri maksimale edhe në momentet kur tërmeti godet vendin.

Bëhet fjalë për trenin N700S ku shkronja S do të thotë “Supreme”, i cili u fut në përdorim nga 1 korriku dhe do të shërbej për transportimin e pasagjerë në linjën Tokaido Shikansen, që lidh stacionin e Tokios dhe atë të Osakas.

Ai mund të lëvize me shpejtësi prej 360 kilometra në orë një rekord i ri që është arritur gjatë vitit të kaluar, duke u cilësuar si treni më i shpejtë në botë. Megjithatë shpejtësia maksimale e lëvizjes së tij do të kufizohet në 285 kilometra në orë.