Kina po krijon avantazh të madh në garën për 5G

Kina po mposht Shtetet e Bashkuara në ndërtimin e arkitekturës së internetit 5G.

Ndërsa të dy vendet po përgatiten për gjeneratën e ardhshme të rrjeteve celularë super të shpejtë, Kina ka ndërtuar rreth 350,000 sajte qelizore që nga viti 2015, ndërsa Shtetet e Bashkuara kanë ndërtuar më pak se 30,000, sipas një studimi të lëshuar nga Deloitte.

“Angazhimi ekonomik i Kinës ndaj 5G e bën atë një konkurrent të frikshëm. Plani ekonomik pesëvjeçar i vendit, i cili shkon deri në vitin 2020, kërkon shpenzimet 400 miliardë dollarë për investimet 5G,”  theksonte raporti.

Vendi që merr rrjetet 5G dhe operon i pari do të luajë një rol të madh në punësim dhe investim.

“Ne po flasim për miliarda pajisje në të njëjtin rrjet, jo vetëm miliona “, tha Dan Littmann, një drejtor në Deloitte dhe një autor i studimit.

Raporti vuri në dukje se “vendet që përqafojnë më parë 5G do të kenë për më shumë se një dekadë përparësi konkurruese”.

Gjatë vitit 2017, Kina Tower, operatori shtetëror i kullës telefonike, shtoi rreth 460 sajte qelizore në ditë. Ndërsa Shtetet e Bashkuara kanë më pak se pesë sajte qelizash për 10,000 njerëz, Kina ka më shumë se 14.

“Kjo pabarazi në mes të shpejtësisë në të cilën Kina dhe Shtetet e Bashkuara mund të shtojnë infrastrukturën e rrjetit dhe kapacitetin e Kinës në garën për 5G”, tha studimi.

Dy faktorë të tjerë të rëndësishëm në garën 5G janë shpenzimet e kërkimit dhe zhvillimit dhe sa shpejt qeveria ndan frekuenca shtesë radiofonike për kompanitë celulare. Këto frekuenca radioje janë të nevojshme sepse 5G ka nevojë për bandwidth  ( frekuenca )më të madh.

Në hulumtim, Shtetet e Bashkuara mendohet të jenë përpara. Gjigandët e industrisë si Intel (INTC) dhe Qualcomm (QCOM) po punojnë për të zhvilluar teknologji të përparuara 5G.

Por në prill, një raport nga CTIA, një shoqatë tregtare për industrinë wireless të SHBA, tha se Shtetet e Bashkuara kanë nevojë për një plan më të qartë për ndarjen e radio frekuencave, ngjashëm me atë që është shpallur në Kinë dhe Korenë e Jugut.

Ky raport zbuloi se Kina ishte vendi më i përgatitur për të vendosur rrjete 5G. Koreja e Jugut ishte e dyta, dhe Shtetet e Bashkuara ishin të tretët. Japonia ishte e katërta.

Qeveria amerikane ka treguar se është në dijeni të kërcënimit nga Kina

Këtë vit, Presidenti Donald Trump bllokoi ofertën 117 milion dollarë të Broadcom për Qualcomm pasi zyrtarët amerikanë ngritën shqetësimin se kjo do t’i japë Kinës një avantazh në zhvillimin e teknologjisë 5G.

Ofruesit e shërbimeve me valë të SHBA si Verizon (VZ) dhe AT & T , kompania mëmë e CNN kanë thënë se do të nisin teknologjinë 5G në tregjet e përzgjedhura deri në fund të vitit 2018.

Pekini planifikon të vendosë 5G në një shkallë të madhe tregtare deri në vitin 2020. Transportuesit kryesorë të Kinës janë zotuar që ta përmbushin këtë afat.