Me 6 kamera dhe ekran të veçantë, dalin pamjet e para të Samsung Galaxy S10

Samsung Galaxy S10 është një prej smartfonëve më të përfolur të këtij viti që vjen.

Super i përmirësuar dhe padyshim që do të jetë më i miri në treg, smartfoni pritet të dalë në treg në fillim të 2019-ës.

Ditën e Marte një imazh i Galaxy S10-ës është publikuar nga 91Mobiles.

Imazhi tregon një telefon me gjashtë kamera në total. Katër prej tyre gjenden në pjesën e pasme dhe dy në pjesën frontale.

Por detaji interesant është tek dy kamera ballore të cilat janë të shkëputura nga korniza e telefonit.

Një dizajn të tillë Samsung a ka paralajmëruar më parë dhe e quan Infinity-O ndërsa sot për herë të parë kemi një imazh i cili na tregon sesi do të ngjajë, raporton PCW.

Specifikat:

Specifikat e tjera të përfolura të Galaxy S10-ës janë:

Ekran 6.4-inç AMOLED

Rezolucion Quad HD

Skaner të shenjave të gishtërinjve nën ekran

Version i ri ri “Face Unlock”

Portë 3.5mm kufjesh

Procesor Snapdragon 8150 ose Exynos 9820

Bateri 3,700 mAh

Imazhet tregojnë telefonin në një ngjyrë blu e cila debutoi me Galaxy S9 dhe S9 Plus.