Njihuni me “Spider-car”, makina elektrike që mund të parkohet në mur

“Nobe 100” quhet makina e re elektrike, e cila ka tre rrota dhe mund të parkohet në mur.

Kjo makinë do të krijohet me një teknologji të re në Estoni.

Makina peshon vetëm 600kg dhe me dy orë karikim arrin të bëjë 260 km. E vecanta e kësaj makine është teknologjia e parkimit, e cila e lejon që të qëndrojë vertikalisht në mur.

Shefi ekzekutiv i kompanisë, Roman Muljar thotë se “Nobe 100” është dizejnuar në këtë mënyrë për të liruar hapësira në rrugë.

Kompania po përpiqet të mbledhë para për të ndërtuar makinën dhe ka qëllim të arrijë në shumën 82,273 paund.

Vetura do të kushtojë  29.790 paund, por dhjetë të parat do të shiten me zbritje deri në 23,997 paund.