Privatësia nuk ekziston më

Privatësia është pothuajse e pamundur nga rrjetet sociale, edhe për ata që nuk kanë një llogari. Informacionet janë online dhe kryesisht gjenden tek postimet e rrethit shoqëror. Pra rrjeteve sociale nuk i shpëton asgjë, sepse edhe nëse dikush nuk ka pasur asnjëherë një profil në Twitter apo Facebook, apo e kanë mbyllur, informacionet krijohen apo ngelen nëpërmjet miqve dhe këto të dhëna kanë një përpikmëri prej 95%.

Krijohet në fakt i ashtuquajturi ‘Profili Hije’ mbi dikë që nuk ekziston në rrjet, në bazë të dhënave të mbledhura nga të njohurit e tij. Kjo gjë është verifikuar së fundmi nga Universiteti i Vermont dhe kërkuesit kanë studiuar mbi 30 milionë postime publike të 14 mijë përdoruesve.

Ka rezultuar se për një person që kishte të paktën 8 miq në rrjetin social të analizuar në këtë rast Twitter, analistët kanë arritur të nxjerrin informacione duke parashikuar aktivitete, që nga bindjet politike, besimi fetar e deri preferencat e produkteve të përditshmërisë me një saktësi të plotë.

Pra të qenit dhe të mbajturit informacionet personale të rezervuara duke, mos përdorur rrjetet sociale, nuk mjafton më në epokën bashkëkohore.