Reklamat dhe marketingu në epokën dixhitale

Reklamat dhe marketingu në epokën dixhitale

Nga San Francisco, The Economist

Më herët gjatë këtij vitit BMW reklamoi në WeChat, në mesazh të përbashkët, i cili iu adresua 550 milionë përdoruesve në muaj. Por, reklama iu sugjerua vetëm atyre përdoruesve, profilet e së cilëve ishin menduar si blerës potencial të makinave të shtrenjta. Pjesës tjetër, iu ishin sugjeruar reklama për gjëra me çmim më të përballueshëm, të tilla si smartphone. Fushata duket se preku egot e shumë njerëzve të tjerë, duke marrë parasysh mënyrën sesi ishte ideuar. Disa prej atyre të cilëve nuk iu sugjerua reklama e BMW-së, janë ankuar me pretendimin se ishin anashkaluar me finesë, si humbës.
Kjo reklamë automobilistike tregon kompleksitetin e reklamave në ditët e sotme, kur zëri i konsumatorëve të pakënaqur është kaq i lehtë të dëgjohet. Por gjithashtu, ky rast ishte edhe një shembull se si shefat e marketingut janë duke luftuar për të gjetur rrugën e drejtë që të arrijnë konsumatorët në platforma të reja dixhitale, ku ata janë duke shpenzuar pjesën më të madhe të kohës së tyre.
Jo shumë kohë më parë, marketingu në mediat sociale ishte diçka që menaxherët e markave përkatëse, jua kërkonin praktikantëve të merreshin me të. Sot marketingu në mediat sociale, përbën një shtyllë të industrisë së reklamave.
Rrjetet sociale si Facebook, Twitter, LinkedIn kanë kultivuar audiencë tepër të mëdha. Sipas eMarketer, një firmë kërkimore, janë plot 2 miliardë njerëz në mbarë botën që i përdorin ato. Reklamat online të të gjitha llojeve vazhdojë të rriten dhe brenda kësaj kategorie, shpenzimet për reklama në mediat sociale krahasuar nga asnjë shpenzim monetar disa vite më parë, këtë vit arrijnë 20 miliard $.
Reklamuesit i preferojnë platformat e mediave sociale për reklamim, sepse ato arrijnë të grumbullojnë të gjitha llojet e të dhënave të çdo përdoruesi, duke e nisur me moshën, modelet e konsumit, interesat dhe kështu me radhë. Kjo do të thotë që reklamat në mediat sociale synojnë përdoruesit në bazë të këtyre karakteristikave, të cilat as që mund të imagjinohen në mediat analoge. Për shembull, Chevrolet, një markë amerikane makinash, i ka adresuar reklamat në faqet e Facebook-ut dhe të Twitter-it, njerëzve të cilët kanë shprehur interes për të.
Një shënjestrim kaq i mirë i konsumatorëve nga rrjetet sociale, do të thotë që dallimi midis reklamimit dhe shitjes po bëhet gjithmonë edhe më i paqartë.
Facebook, Tëitter, Instagram dhe plot platforma të tjera, përveçse reklamimitt janë duke shitur edhe produktet, kjo në saj të komandave “blej tani (buy now)”, që i lejojnë përdoruesit të përfundojnë blerjen në çast.
Është ende shumë herët për të treguar nëse konsumatorët e duan një lehtësi të tillë, por platformat sociale parashikojnë që në të ardhmen të paguhen nga reklamuesit për të ofruar shërbime blerjeje në çast dhe në këtë mënyrë ato bëhen më të dobishme për ndjekësit e tyre.
Për të arritur maksimumin e synimeve të tyre tek konsumatorët , duke përdorur median sociale, agjensitë e reklamave janë duke bërë ndryshime të mëdha në fushatat e tyre promocionale.
Në vend që të ideojnë një reklamë të vetme me një mesazh të qartë dhe kjo të të transmetohet në televizione, radio, shtypin e shkruar dhe më gjerë, ato janë duke prodhuar një sërë varacionesh të reklamës për një çështje të vetme, me qëllim që t’i përshtatet shijeve të konsumatorëve të ndryshëm. Muajin e kaluar Loëe’s, një shitës amerikan shtëpish të rikonstrukturuara, ndërmori një fushatë në facebook, ku përdoruesve u janë dërguar disa dhjetëra versione shtëpish, në bazë të pjesëve të shtëpisë së tyre që ato kanë postuar në rrjetet sociale.
Natyra përsëritëse e marketingut dixhital, do të thotë shumë punë për agjencitë e reklamave dhe kompanitë e marrëdhënieve publike. “Megjithatë, markat duhet të synojnë prodhimin e reklamave të personalizuara në mediat sociale”, thotë Pete Blackshaw, prodhues i Nestle.
Shefat e marketingut duhet të mendojnë që të krijojnë një identitet online për markat dhe produktet e tyre. Tëitter është vendi kryesor ku markat përpiqen të duken të ngjashme për të krijuar konfuzion tek konsumatorët. Kur Apple njoftoi daljen në treg të iPhone të artë në vitin 2013, Denny’s, një rrjet restorantesh, postoi në Twitter menjëherë një foto të petullave të tyre me mbishkrimin “Mund ti gjeni gjithmonë të arta”. Kjo synonte të ngatërronte konsumatorin dhe të tallej me Apple.
Por në përpjekje për t’u bërë pjesë e tendencave të ndryshme në mediat sociale, kompanitë mund të dëmtojnë mjaft lehtë imazhin e tyre. DiGiorni, një prodhues picash të ngrira, vërejti se një numër i madh njerëzish ishin duke përdorur hashtagun #Përseqëndrova në Tëitter dhe ai komentoi se ishin duke qëndruar për pica. Por në fakt bëhej fjalë për një fushatë kundër dhunës në familje dhe komenti i tij u cilësua fyes. Kështu, DiGiorni përdori sërish mediat sociale për të kërkuar falje publike, pasi imazhi i kompanisë së tij ishte dëmtuar.
Duke marrë parasysh të tilla kurthe, platformat sociale ka të ngjarë të marrin gjithmonë e më shumë buxhet nga reklamuesit. Por ky lloj biznesi në mediat sociale është ende i ri dhe i paqëndrueshëm, kështu që është e vështirë të parashikohet se cilat rrjete sociale janë destinuara për t’u bërë ekuivalente me mediat tradicionale. Për një kohë u duk se Tëitter do të ishte rrjeti social ideal për reklamuesit, por kohët e fundit ka patur rënie nga përdoruesit. Momentalisht, facebook është duke u preferuar më shumë nga agjencitë e reklamave, për shkak të lehtësirave dhe risive të herë pas hershme. Sërish, kjo mbetet e paqartë për sa kohë përdoruesit e Instagramit dhe WhatsApp janë duke ardhur në rritje.
Duket se mediat e vjetra po humbasin çdo ditë e më shumë të ardhura nga reklamat për shkak të rivalëve të tyre dixhitalë.  Reklamat televizive deri tani mbahen në rritje, por me kalimin e kohës parashikohet që audienca të pësojë rënie dhe konkurenca do të ndjehet më fortë. Megjithatë, rrjetet sociale kanë ende shumë për të bërë për sa i përket formatit optimal për video reklamat.
Do të thotë shumë që marketuesit të provojnë këto shërbime të reja që platformat sociale ofrojnë, duke marrë parasysh avantazhin që reklamat dixhitale ofrojnë.
Markat të cilat janë të reja në treg, duke të përdorin këto platforma, të përfitojnë në mënyrë disproporcionale, shpjegon Linda Boff, shefe e marketingut në General Electric, pasi përdoruesit e tyre nuk janë tejngopur ende me mesazhe të marketingut.
Platformat më të fundit sociale që synojnë të tërheqin vëmendjen e reklamuesve janë Snapchat, WeChat dhe Kik, ku përdoruesit mund të dërgojnë mesazhe, foto dhe video direkt për miqtë. Markat kanë filluar të studiojnë mundësinë e reklamimit edhe në Pinterest, ku përdoruesit bëjnë “Pin Up”, vetëm gjërat dhe produktet që përbëjnë interes për ta. Pavarësisht këtij fakti, Pinterest ka vetëm 70 milionë përdorues dhe nuk mund të arrijë Twitter (300 milionë përdorues) apo Facebook që ka plot 1.5 miliarë përdorues.
Pavarësisht sesa i zotërojnë kompanitë rrjetet sociale, në të ardhmen me siguri do të ketë një kufi të reklamave në to. Nga ana tjetër, reklamat televizive janë ende të mëdha për të arritur audienca të caktuara me mesazhe të thjeshta, kurse reklamat në shtypin e shkruar, mendohet se i japin më shumë besueshmëri markës.
Si menaxherëve të fondeve, reklamuesit gjithmonë do të duan një portofol të balancuar.

Përtheu: Sidorela Lepri