Së shpejti, telefoni i parë në botë me rrjetin 5G

Samsung mund të sjellë një risi për sa i përket tregut të smartfonëve. Galaxy S10 ose Note10 do të jenë pajisjet e para të cilat kompania Samsung do t’i sjellë në treg me rrjetin 5G gjatë vitit 2019.

Kjo është bërë e ditur nga uebsajti Trusted Review, sipas së cilës Galaxy Note 10 ka shansin më të mirë që të jetë telefoni i parë në botë me rrjetin 5G.

Ndryshe, Qualcomm dhe Samsung kanë njoftuar një partneritet strategjik dhe megjithëse kjo marrëveshje duket interesante në vetvete, mund të ketë një ndikim serioz në tregun Android, sidomos në linjën Samsung.