Windows 10 lançohet gjatë verës, në 190 vende të ndryshme të botës

Microsoft ka njoftuar se Windows 10 do të lançohet gjatë verës së këtij viti, dhe sipas kompanisë, versioni më i ri i sistemit operativ do të lëshohet në më shumë se 190 vende të botës. Kompania do të ofrojë përditësim falas në Windows 10, për përdoruesit që përdorin Windows 7, Windows 8.1 dhe Windows Phone 8.1. Kjo ofertë do të jetë valide një vit pas lëshimit të versionit më të ri të sistemit operativ.  Edhe pse Microsoft nuk ka dhënë asnjë datë të saktë të lançimit të Windows 10, ajo që dihet tashmë është se lëshimi i tij tek përdoruesit do të bëhet gjatë verës, pasi që kjo periudhë është konfirmuar edhe zyrtarisht.