YouTube konfirmon zhvillimin e programit origjinal interaktiv

Netflix e ka sjellë librarinë filmike në ekranet tona me shfaqjet e tyre interaktive për fëmijët, dhe vitin e kaluar ata bënë tituj me fillimin e Black Mirror Bandersnatch që solli shfaqje interaktive për një audiencë më të gjerë.

Kompania ka në plan të bëjë më shumë shfaqje të ngjashme në të ardhmen, por duket se YouTube nuk do t’ia lejojë Netflix-it të gjithë lavdinë.

Duke folur për Bloomberg, Susanne Daniels, kryesuesja e programeve origjinale të YouTube ka zbuluar se kompania po punon në zhvillimin e programeve të tyre origjinale interaktive.

Sipas Daniels, “Ne tani kemi mjete dhe mundësi të mrekullueshme për të krijuar dhe për të treguar tregime interaktive dhe me shumë nivele. Ben [Relles] ka një kuptim intuitiv dhe me përvojë se si platforma mund të përmirësojë përmbajtjen, duke e bërë atë zgjedhjen e përkryer për të zhvilluar këtë departament emocionues të ri.”

Ajo që është interesante në lidhje me këtë është se vetëm muajin e kaluar, është raportuar se YouTube do të kthehet në përmbajtjen e tyre origjinale, por bazuar në raportin më të ri, duket sikur kompania është duke eksploruar strategji të ndryshme.