Ardit Gjebrea poston nga Barcelona aktivitetin e Saimir Pirgut

Teatri më i madh në Barcelonë, ‘Gran Teatre de Liceu’ pas 32 vitesh ka vendosur përsëri në skenë operan ‘Romeo dhe Zhuljeta’.

Një nga arsyet kryesore dhe që na bën të gjithëve krenarë se rolin e Romeos e luan tenori i njohur shqiptar, Saimir Pirgu, shkruan Ardit Gjebrea, i cili ka postuar një foto dhe tekst për aktivitetin e Saimir Pirgut. I madhi Ardit Gjebrea shkruan për të madhin Saimir Pirgu.

‘Në Barcelonë për një event botëror! Pas 32 vitesh, përsëri në skenë Opera “Romeo et Juliette” në teatrin e operas Gran Teatre de Liceu. Romeo – Saimir Pirgu! Drejtpërdrejt në transmetim- 349 kinema në 16 shtete të botës. Jo vetëm mediat në Spanjë, por edhe kanali tv Euronews i kanë dedikuar tenorit shqiptar suksesin e një ndër tenorëve më të mirë në botë sot!

Krenar për ty Saimir Pirgu!’- shkruan në publikimin e tij Gjebrea.