Dhoma e Biznesit të Diasporës takim me sipërmarrës në Tiranë: Ka ardhur koha të rrisim ekonominë!
Nga: Daniel Muçaku
Ditën e sotme u organizua takimi i quajtur “Morning Caffe Diaspore”, midis Dhomës së Biznesit të Diasporës dhe kompanisë së madhe imobiliare ”Billion G&G GROUP”. Në këtë takim morën pjesë intelektualë, përfaqësues të bizneseve private, sipërmarrës, ndërtues e po ashtu pedagogë nga Universitetit Polis.
Presidenti i Dhomës së Diasporës, Ardian Lekaj gjatë fjalës së tij online, u shpreh se Dhoma e Biznesit është një urë lidhëse ndërmjet shqiptarëve që janë jashtë dhe vendit tonë të cilët krijojnë mundësi për investime në Shqipëri.
Një ndër themeluesit dhe anëtar i kryesisë së diasporës në Republikën e Shqipërisë, Gjin Gjoka u shpreh për ”KOHA JONË” se kjo mbledhje e sotme ka si synim bashkëpunimin, modernizimin dhe risi të reja në lidhje me bizneset, përsa i përket investimeve nga diaspora, problematikat ligjore të tyre, e po ashtu për politikat afatshkurtër ekonomike të cila janë propozuar qeverise.
Universiteti Polis po bashkëpunon me Dhomën e Biznesit dhe diasporës shqiptare për të promovuar së bashku sipërmarrjet shqiptare në diasporë nëpërmjet intershipeve. Dekani i fakultetit të Menaxhim Mjedis dhe Planifikim Urban, Xhimi Hysa uroi që ky bashkëpunim të jetë afatgjatë.
Kompania ”Billion G&G GROUP”, është një nga 7 themeluesit e Dhomës së Biznesit të Diasporës. Kompania është themeluar nga Suela Dinella dhe Gjin Gjoka. Përfaqësuesja e kësaj kompanie, Klesta Lalaj tregoi për avantazhet që kjo kompani ofron në fushën e investimeve në pasuri të paluajtshme.
Në fund të gjithë të ftuarit diskutuan së bashku për të ndarë ide dhe për të patur sa më shumë bashkëpunime.