Ilir Meta në majën me të lartë, Jezercës, në 2696 metra. Foto dhe video

Pasioni i Ilir Metës, me sa duket, është aventura e ngjitjes sa më lart në male. Një sport i vështirë që kërkon forcë, stërvitje, këmbëngulje, por edhe rrezik brenda.

Presidenti Meta pasi ka arritur në majën më të lartë, por edhe më të vështirë e të rrezikshme të Alpeve, ka falenderuar në veçanti liderin e grupit, që nuk ka munguar ta quajë dhe komandant legjendar, Fatos Katallozi, që është dhe President i “Outdoor Kosovo” dhe një nder alpinistët më të njohur të Ballkanit.

“Ju përshëndes nga E Bukura e Qiellit nga Maja e Jezercës 2696 m mbi nivelin e detit. Pas një ngjitje malore prej 17 km nga lugina e Valbonës arritëm te kryemaja e Alpeve tona, maja e Jezercës atje ku ke çdo majë në pëllëmbë të dorës e sidomos 3 luginat me përrallore të Valbonës, Gucisë e Thethit. Nuk ka regjisor, kameraman e fotograf që mund ta pasqyrojë të plotë e reale këtë mrekulli. Sepse maja e Jezercës është E Bukura e Qiellit!“,- shkruan Presidenti Meta në Facebook.

Në foto: Ilir Meta në majën e Jezercës, datë 30 gusht 2018

https://www.facebook.com/ilirmetazyrtar/videos/524831624629618/

Ilir Meta nuk ndalon. Pothuaj gjithë gushtin vrapoi nëpër alpet e Veriut të Shqipërisë, me pas në Plavë-Guci (Mal të Zi) dhe ndaloi në bjeshkët e Kosovës. Pak ditë me parë nga maja e malit të shenjtë të Tomorrit nisi foto.

Ai ka postuar një video nga maja e malit të Jezercës, 2696 metra mbi nivelin e detit dhe ku shkruante “Mirëmëngjes nga shkëmbi i Dardanit pranë kryemajës së Jezercës!”

E gjitha kjo shëtitje verore, natyrisht, ka një promovim për turizmin e mrekullueshëm shqiptar. Nuk besoj se është thjesht kënaqësi private e presidentit, por në thelb reklamim i natyrës sonë të bukur.

Historiku i kësaj aventure verore i Ilir Metës nëpër malet e alpet e zonave të banuara me shqiptarë:

E nisi aventurën verore pas një dreke me presidenten e kroacisë, Kolinda Grabar-Kitarović nga ferma e madhe dhe e mahnitshme e Rexhep Ukës në Tiranë.

Pastaj u lut para Manastirit te Shën Marenës, në Liqenin e Prespës

Nxitoi për të provuar leqet e këmbëve para atyre të Leqeve të Hotit, me pas në Selcë-Cem, në Lëpushë e Vermosh, mes mrekullive të alpeve shqiptare, aty ku turistët i gëzohen rrugës së re dhe turizmit malor

Ndaloi në Plavë-Guci,(Mal të Zi) nga livadhi mbi liqenin përrallor të Plavës, aty ku malet puthin qiellin dhe ku Zoti ka krijuar mrekullinë.

Vizioi kullën legjendë mbi 200-vjeçare të Çelajve në Vuthaj, që bart histori të lavdishme dhe ruan traditat më të çmuara kombëtare e njerëzore të kësaj treve

Ndaloi në tubimin tradicional mbarëkombëtar, “Mirë se vini në Alpet Shqiptare 2018”, në Vuthaj të Plavës e Gucisë, në këtë parajsë të vërtetë njerëzore dhe natyrore, ku provoi veten në telat e çiftelisë.

Uroi për të ruajtjen e traditave shqiptare të Plavës e Gucisë, Bruno Selimaj dhe vëllanë e tij, Aleksin. Me pas vizitoi bukuritë natyrore të pakrahasueshme të kësaj treve, Krojet e Ali Pashë Gucisë, Ujvara Gërla dhe Syri i Kaltër.

Shkoi me vrap te Bjeshkët përrallore të Rugovës, mes pishave të larta e livadheve mahnitëse, aty ku ajri i pastër dhe uji i kristaltë i burimeve malore të mbushin me energji.

Së bashku me kampionin e peshëngritjes, Erkand Qerimaj mori udhën me ecje për rreth 2 orë në Bjeshkët e Rugovës, rrugën mahnitëse nga Boga në Shkrel e kthim në Bogë.

Mori pjesë në Lojërat tradicionale të Rugovës, në Stankaj, që janë një pasuri e vyer e vlerave më të mira të trashëgimisë sonë etnokulturore shqiptare. Ku dhe takoi plakun e moçëm e patriot