Meta pyet deputetët: Çfarë duhej të bëja kur dy veta ishin “çmendur” e donin përplasje?!

WebTV E Enjte, 30 Shtator 2021 17:07

Presidenti Ilir Meta i është përgjigjur me një kundërpyetje të menjëhershme, deputetëve të komisionit hetimor sot, si deputetit Ruçi, nëse kishte pasur rrugë të tjera për ta nxjerrë vendin nga kriza?

Pyetjet ishin: “A mendoni se data 13 tetor do të jetë zgjidhja e konfliktit për shqiptarët? A kishit kohën e mjaftueshme që palët t’i kishit thirrur më parë për konsultime dhe nëse ato nuk do të mblidheshin, a e keni tagrin ligjor të ndërmerrni një nismë tjetër?”

Atëherë Meta iu kthye më këto fjalë: “Unë kam një pyetje: Kur dy veta çmenden dhe duan t’i çojnë njerëzit drejt përplasjes, çfarë të bëjë Presidenti?! Atë mundësi ka Presidenti, dekretin, çfarë ka tjetër?! Unë besoj se kam bërë detyrën time në mënyrën më të mirë.”