VIDEO / Rezart Veleshnja bëhet xheloz për Ermal Mamaqin, shiko çfarë bëri nga inati

Aktori i njohur i humorit, Rezart Veleshnja është bërë “xheloz” për faktin se Ermal Mamaqi arriti të mbjellë pemën e tij në Parkun e Liqenit. Ndaj dje në ditëlindjen e tij, edhe ai iu bashkua nismës së Bashkisë së Tiranës për të mbjellë një pemë, si simbol i vazhdimësisë së jetës, por edhe për të përjetësuar këtë datë të shënuar në jetën e tij.

Ka qenë kryetari i Bashkisë së Tiranës, Erion Veliaj ai që ka publikuar një video nga ky moment, të cilës i ka dedikuar edhe një koment: “Edhe Rezart Veleshnja e mbolli pemën e tij për ditëlindje!  Kush artist është ziliqar, ka Tirana vende për pemë plot”, shkruan Veliaj në komentin që shoqëron videon”.

Synimi i Bashkisë së Tiranës është që deri më 21 mars, që përkon me Ditën Ndërkombëtare të Pyjeve, të mbillen 100 mijë pemë të reja duke shtuar sipërfaqet e gjelbra dhe duke krijuar një mjedis të shëndetshëm edhe për brezat e ardhshëm. Në projektin afatgjatë të Bashkisë është krijimi i Pyllit Orbital si unazë e gjelbër që rrethon Tiranën. Pylli Orbital, i njohur ndryshe edhe si unaza e 5-të e Tiranës, do të çojë në mbjelljen e një muri të gjelbër me 2 milion pemë dhe lidh 14671 hektarë parqe, fusha bujqësore, pyje dhe forma të tjera të vegjetacionit rreth qytetit. Kryebashkiaku, Erion Veliaj fton të gjithë qytetarët e Tiranës që t’i bashkohen kësaj nisme për të mbjellë një pemë të re për të përkujtuar një njeri të dashur apo një datë të shënuar.