Zyrtare, hapet Ambasada e Kosovës në Jerusalem (FOTO)

Bota Kosova E Diel, 14 Mars 2021 11:39

Ministria e Punëve të Jashtme dhe Diasporës, ka bërë me dije se është hapur zyrtarisht Ambasada e Kosovës në Izrael me seli në Jeruzalem, si pjesë e Marrëveshjes së arritur në Washington në shtator të vitit që shkoi.

Lajmin e kanë bërë me dije përmes një postimi në rrjetin social Facebook, ku kanë shkruar se vendosja e pllakës dhe flamurit shtetëror në Ambasadën e Kosovës në Izrael reflekton përkushtimin e Qeverisë së Kosovës për të përmbushur zotimin e dhënë për vendosjen e misionit diplomatik në Jeruzalem.

Në pamundësi për të qenë prezentë në Jeruzalem përfaqësuesit e shtetit të Kosovës, kjo për shkak të situatës pandemike, Ministria e Punëve të Jashtme ka udhëzuar të Ngarkuarën me Punë në Izrael që Pllakën e zbuluar nga Ministri Ashkenazi, bashkë me flamurin shtetëror, ta vendosë në objektin e Ambasadës së Kosovës në Jeruzalem.

Bazuar në Marrëveshjen e Uashingtonit të 4 shtatorit 2020, ku zyrtarizohet njohja e ndërsjellë mes Republikës së Kosovës dhe Shtetit të Izraelit si dhe zotimit të Qeverisë së Kosovës ndaj Qeverisë izraelite dhe Administratës amerikane dhe veprimet që janë ndërmarrë nga 1 shkurti, zyrtarisht bëhet hapja e Ambasada e Kosovës në Shtetin e Izraelit, me seli në Jeruzalem.

ETIKETA Jeruzalemkosovo

SHKARKO APP

iPhone

Android

Më shumë lajme të fundit