1 Qershori, Monika Kryemadhi poston foto kur ishte e vogël

Kryetarja e LSI-së, Monika Kryemadhi është bërë nostalgjike për fëmijërinë e saj dhe sot me rastin e festës së fëmijëve, ka publikuar edhe një foto, teksa ka qenë në kopësht, teksa recitonte vjershën e dedikuar për Enver Hoxhën.

“Ne jemi lule të bukura të nënës Shqipëri! Partia, xhaxhi Enver na ka gjithnjë në gji”,-shkruhet mbi foton e publikuar nga Kryemadhi.

“Ja dhe unë duke recituar, në 1 Qershor 1978. Me respekt për edukatore Dianën, Engjëllushën, Melitën dhe të gjithë personelin e Kopështit nr.9 në Tiranë. Foto e marrë nga Revista Yllka”, shkruan Kryemadhi.