11 vendet me rrezik të lartë për Covid-19! Mes tyre Shqipëria

Aktualitet Bota E Shtunë, 27 Qershor 2020 16:07

Pandemia e Covid-19, po pëson një tjetër rritje dhe kurba me rastet e reja është më e lartë në 11 vende. OBSH-ja thotë se ka të paktën 11 shtete europiane ku po shihet një rritje e transmetimit të virusit.

“30 vende ose territore kanë parë rritje të numrit të infektimeve. Në 11 vende është rritur transmetimi dhe mund të jetë i rrezikshëm në rast se sistemi shëndetësor nuk i kontrollon”,-tha Hans Kluge, drejtori i OBSH-së për Europën. Shumica e vendeve janë në rajonin e Europës Lindore ose Azisë Qendrore, të cilat monitorohen nga zyra rajonale e OBSH-së për Europën.

Për vendin tonë thuhet se rastet u rritën në mes të qershorit, pas heqjes së kufizimeve dhe “ndonëse nuk lejohen grumbullimet masive të njerëzve, nuk po respektohet fort distanca sociale”. Në listë përfshihet edhe Kosova.