112 është numri vetëm për çdo emergjencë

Pas krijimit të qendrës së posaçme për koordinimin e telefonave të qytetarëve, tashmë Ministria e Brendshme ka nisur fushatën për të informuar qytetarët për numrin e emergjencës, i cili është bërë 112. Në këtë numër, gjithkush mund të kërkojë ndihmën e policisë dhe të ambulancës.

“Në çdo derë, rrugë e lagje për 112, numri yt i vetëm për çdo emergjencë. Policia që duam, për qytetin që duam, për sigurinë që duam. ‪#‎112numriyt”, shkruan ministri Tahiri bashkangjitur fotove.

Kjo nismë synon që të ndërgjegjësojë të gjithë qytetarët në përdorimin e ri të numrit të emergjencave. Siç shihet edhe nga fotot, policët kanë shpërndarë kartat me numrin 112, i cili do të zëvendësojë 129 dhe 126.