20 fëmijë polakë me simptoma helmimi, drejtoresha e spitalit: Shkak ushqimi ose ekspozimi në diell

Fëmijët e paraqitur në urgjencë mbrëmjen e sotme me simtoma helmimi ndodhen në gjendje të mirë shëndetësore.

Drejtoresha e Spitalit Rajonal Vlorë, Bruna Mersini në një prononcim për mediat, bëri me dije se bëhet fjalë për një grup turistësh nga Polonia të cilët e kishin nisur udhëtimin mëngjesin e kësaj të premteje nga Shkodra.

Nga 50 që ishin në autobus, rreth 20 prej tyre të moshës 14-15 vjeç kanë paraqitur simptoma. Sa i përket shkakut, mjekët dyshojnë se mund të jetë bërë ushqimi që kanë konsumuar ose orët e shumta të kaluara në diell. Shkaku i saktë do të dihet pas kryerjes së hetimit epidemiologjik për rastin.