21 azilkërkues sirianë në Tiranë, ikin në drejtim të paditur

21 shtetas sirianë janë larguar nga qendra pritëse e azilkërkuesve në Babrru, ku me këtë veprim ata kanë thyer marrëveshjen e qëndrimit në Shqipëri.

Ngjarja mësohet se ka ndodhur ditën e diel, ku që nga mbrëmja ata nuk janë kthyer më.

Lajmin e ka bërë të ditur qendra pritëse e cila ka njoftuar edhe policinë.

Azilkërkuesit të cilët strehohen në Shqipëri kanë të drejtë të dalin gjatë ditës, ndërsa në mbrëmje duhet të rikthehen përsëri.