21 kg drogë në çanta, pranga 2 shqiptarëve në kufirin e gjelbër me Greqinë

Policia e Korçës ka arrestuar 2 persona pasi akuzohen për trafik të lëndëve narkotike.

Sipas autoriteteve, dy të arrestuarit janë kapur me 21 kg drogë me vete në çantat e shpinës, në kufirin e gjelbër me Greqinë.

Të arrestuarit janë R. N., 41 vjeç, banues në fshatin Vithkuq, Korçë dhe I. M., 54 vjeç, banues në fshatin Pojan, Maliq. Ky i fundit rezulton i dënuar më parë për veprën penale “Mbajtja pa leje e armëve dhe municioneve luftarake”.

Ndërkohë,  Policia po punohet për identifikimin dhe vënien përpara përgjegjësisë ligjore edhe të personave të tjerë të implikuar në këtë ngjarje.