21-vjeçarja nga Tirana zbulon sesi trafikohen nga shoqet e tyre

Trafikimi i vajzave të reja, ndodh në mënya dhe forma të ndryshe. Një prej tyre është dhe rasti që një 21 vjecare ka treguar, pranë faqes “Jeta Osh Qef”. Denoncimi i saj është shokues, pasi nëse lexoni bisedat në foto e mëposhtme, do të vini re se si mashtrohen vajzat e reja të cilat duhet të mashtronjë familjet e tyre, pasi ju premtohet punë në Gjermani.

Ajo ka zbuluar sesi kontaktohen dhe trafikohen vajzat e reja nga shoqet apo të njohurit e tyre.E reja nga Tirana tregon se si njëra nga shoqet me të cilën u njoh në fakultet, e kontaktoi pas tre vitesh për t’i ofruar një mundësi. Ajo pretendonte se kishte një ofertë për vajzën dhe për këtë gjë e prezantoi me shoqen e saj.

Kjo e fundit tentoi ta mashtrojë duke i thënë se një i njohuri i saj e pëlqente dhe donte ta merrte të jetonin së bashku në Gjermani.

Nga mesazhet, kuptohet që në fakt nuk bëhet fjalë për një lidhje dashurie, por për trafikimin e saj.

“Ti do i bësh qefin vetes tate në radhë të parë, pastaj bëhet fjalë për në Gjermani të ikësh. Nejse s’bëhen këtu këto muhabete. Po e kupton shpirt ku është muhabeti apo jo? Thuaju të shtëpisë që ke gjetur punë babysitter”, shkruan vajza që po mundohet ta njohë 21-vjeçaren me djalin.

Ndonëse e reja nga Tirana insiston të mendohet më mirë pasi bëhet fjalë për jetën e saj, vajza me të cilën u prezantua i thotë se një mundësi e mirë i ofrohet rrallë.