21-vjeçarja, vret foshnjën para lindjes, piu 40 paracetamolë

Fotoja është ilustruese

Rasti i nënës shtatëzënë, Aida Cajka, është ngulitur në mendjen e cdo lexuesi. Sorrollatjet dhe humbja tragjike e saj, vuri alarmin mbi gjendjen e materniteteve në vend.

Pas rastit të saj në maternitetin “Koco Klozheni”, që u nda nga jeta bashkë me foshnjen, rasti i dytë në Pogradec ku një foshnjë vdiq vetëm dy pas lindjes, dje u rregjistrua rasti i tretë tragjik.

Sipas informacioneve zyrtare, 21-vjeçare kishte udhëtuar ditën e mërkurë drejt Tiranës për mjekim të specializuar pasi kishte pirë një grusht me ilaçe me qëllimin për të abortuar, shkruan “Balkanweb”.

Pas ndërhyrjes së mjekëve është bërë e mundur nxjerrja e fëmijës në gjendje të vdekur, ndërsa e reja ndodhet nën kujdesin e mjekëve. mësohet se 21-vjeçarja ka qenë e lidhur me një djalë, lidhje për të cilën ishte në dijeni edhe familja e saj.

Dy ditë më parë në gjendje të rënduar emocionale, e reja ka pirë plot 40 paracetamolë dhe ka shkuar vetë në maternitetin në Tiranë ku u ka rrëfyer mjekëve veprimin e saj. Menjëherë ajo është marrë nën kujdes dhe ka bërë lindjen por foshnja ka lindur e vdekur.

Vetë nëna ndodhet në gjendje të rëndë shëndetësore dhe nuk është marrë ende në pyetje për arsyet që e kanë shtyrë. As familjarët nuk kanë thënë gjë për arsyet e këtij veprimi.

Policia e Durrësit thotë se për këtë ngjarje është njoftuar nga Policia e Tiranës një ditë më pas, të enjten rreth orës 17:30.