30 vjet nga 26 Maji, Erion Braçe: Zgjedhjet më të dhunshme në historinë e re të Shqipërisë

Deputeti i PS-së, Erion Braçe ka kujtuar 30-vjetorin e zgjedhjeve të 26 Majit 1996, të cilat i cilësoi si “zgjedhjet më të dhunshme dhe më të përgjakshme në historinë e re të Shqipërisë”. Në një reagim publik, Braçe u shpreh se qëndresa e socialistëve dhe e qytetarëve të majtë në atë periudhë ndryshoi rrjedhën e historisë politike në vend dhe përshpejtoi rrëzimin e një “regjimi kriminal që po vidhte dhe vriste”.

Postimi i plotë

26 MAJ 1996 – 26 MAJ 2026-30 VITE NGA ZGJEDHJET MË TË DHUNSHME, MË TË PËRGJAKSHME NË HISTORINË E RE TË SHQIPËRISË!

1. UDHËHEQËSIT SOCIALISTË HARROJNË, SOCIALISTËT JO!

Për të gjithë ata që më 26 Maj nuk kishin lindur, padija është e mirëkuptueshme. Por secili duhet të kuptojë se qëndresa e burrave dhe grave të 26 Majit ndryshoi rrjedhën e historisë në këtë vend, përshpejtoi rrëzimin e një regjimi kriminal që po vidhte dhe vriste. Për të gjithë ata që më 26 Maj ishin të mitur, panë prindërit e tyre të masakroheshin pasi u kishin marrë gjithçka, përfshirë edhe punën, dhe sot drejtojnë, harresa është e pafalshme. Por secili prej tyre duhet të kuptojë se historia e Partisë Socialiste nuk nis me ta.

Për gjithë të tjerët që e dinë ç’është 26 Maji, e kanë jetuar, kanë mësuar për të, por nuk e kanë provuar, harresa nuk është politike. Secili prej tyre duhet të kuptojë se është gjaku i socialistëve, i popullit të majtë të masakruar më 26 Maj. Gjaku nuk është ujë, nuk bëhet ujë, nuk shuhet me ujë, nuk falet!

2. SOT, UNË BËJ 30 VITE I ZGJEDHUR, ME VOTËN E SOCIALISTËVE, TË MAJTËVE, TË NJERËZVE QË KANË BESUAR NË NËNTË PALE ZGJEDHJE!

Kam kërkuar disa herë në 30 vite procesverbalet e zgjedhjeve të 26 Majit; më në fund i gjeta. Unë u zgjodha për herë të parë në këto zgjedhje dhe këto procesverbale, të hartuara pas dhunës barbare e masakrës elektorale, e dëshmojnë këtë.

Janë të gjitha njësoj: tregojnë se kanë votuar 95, 96 deri në 100% të listës së votuesve; janë të korrigjuara dhe dëshmojnë masakrën dhe pasmasakrën. Dy kohë: në të parën unë isha humbës, në të dytën isha fitues, groteske, por me gjak. Nga qershori i vitit 1997, në 2001, 2005, 2009, 2013, 2017, 2021 dhe 2025, tetë herë rresht jam paraqitur në zgjedhje, jam zgjedhur me votën e socialistëve, të majtëve dhe të njerëzve që kanë besuar. Kam qëndruar dhe jam munduar të bëj punën me përkushtim e besnikëri ndaj këtyre njerëzve në Poliçan, Berat, Kuçovë, Urë Vajgurore, Divjakë, Lushnjë e Fier; këtë po bëj edhe në Tiranë.

JAM ENDE NË BORXH NDAJ SECILIT VOTUES, SOCIALIST OSE JO, DHE KËSHTU DO TË JETË GJITHË JETËN!

Nuk ka punë apo rezultat të arritur përmes punës që vjen në balancë me nderin më të madh në jetë: TË QENIT I ZGJEDHUR, NË SHËRBIM TË ATYRE NJERËZVE!

Pafund krenar që, 30 vite më pas, nuk më njohin thjesht si deputet të Beratit, por si njeri NGA BERATI;

Ashtu si nga Divjaka, Krutja, Allkaj, Bubullima, Kolonja, e tani nga 5✋sa e Tiranës — TIRANA VETË!